Izraeli thotë se ka rimarrë mbetjet e pengut të fundit në Gaza

Ushtria  izraelite thotë se ka rimarrë trupin e pengut të fundit në Gaza, duke hapur rrugën për fazën tjetër të planit të paqes të Presidentit të SHBA-së Donald Trump.

Ajo kishte qenë në kërkim të Kapiten Rreshterit Ran Gvili që nga fillimi i armëpushimit me Hamasin në tetor, ka raportuar BBC, transmeton Gazeta Express.

Kryeministri izraelit Benjamin Netanyahu e quajti kthimin e Gvilit “një arritje të jashtëzakonshme”.

Ushtria izraelite filloi të kontrollonte një varrezë për Gvilin të dielën në mëngjes. Krahu i armatosur i Hamasit tha se u kishte ofruar ndërmjetësve “të gjitha detajet dhe informacionin” në lidhje me vendndodhjen e Gvilit.

Zyra e Netanyahut tha se Izraeli do të rihapte pikën kyçe kufitare të Gazës me Egjiptin sapo të përfundonte operacioni për të gjetur dhe kthyer Gvilin.