Krerët e AARC takim me ministrin Mucunski në Nju Jork: Zotime për zgjidhje të kërkesës së studentëve shqiptarë

Këshilli Shqiptaro Amerikan i Marrëdhënieve (AARC) ka takuar sot në Nju Jork, ministrin e jashtëm të Maqedonisë së Veriut, Timço Mucunski ku me theks të veçantë janë diskutuar disa çështje aktuale, sidomos ajo e fundit që ka të bëjë me kërkesat e studentëve shqiptarë për dhënien e provimit të jurisprudencës në gjuhën amtare. Në këtë takim ishin Martin Vulaj, Ilirjan Rusi, Vehbi Bajrami.

Pas takimit në një komunikatë të AARC, thuhet se Qeveria e Maqedonisë së Veriut përmes ministrit të jashtëm theksoi angazhimin që të punojë drejtpërdrejt me studentët shqiptarë për zgjidhjen e çështjes së provimit të jurisprudencës në gjuhën e tyre amtare.

Ishte kënaqësi të takoheshim herët në mëngjesin e kësaj të diele nga kafja me Sh.E. Timčo Mucunski, ministër i jashtëm i Maqedonisë së Veriut.

“Takimi biseda me ministrin Mucunski u fokusua në një çështje të rëndësishme dhe në kohë: sigurimi që studentët shqiptarë të drejtësisë të kenë mundësi të japin provimin e juridikut në gjuhën amtare. Diskutuam edhe për pyetjen më të gjerë të përdorimit dhe mbështetjes institucionale të gjuhës shqipe në Maqedoninë e Veriut- çështje qendrore për barazinë, mundësinë dhe stabilitetin afatgjatë. U dakorduam për rëndësinë e adresimit të këtyre sfidave në mënyrë konstruktive si dhe mirëpritëm angazhimin e Qeverisë për t’u angazhuar drejtpërdrejt me studentët e drejtësisë. Ne gjithashtu u angazhuam të punojmë së bashku për të identifikuar dhe zbatuar zgjidhje të qëndrueshme për këtë dhe sfida të tjera – duke ndihmuar që Maqedonia e Veriut të vazhdojë të ecë përpara në rrugën e saj drejt gjithëpërfshirjes, kohezionit dhe zhvillimit demokratik më të madh”, thuhet në komunikatën e AARC.(INA)