Liga e Parë në futbollin e Maqedonisë së Veriut me lider të ri

Në javën e XVII-të në Ligën e Parë të Maqedonisë së Veriut, Shkëndija arriti të sigurojë tre pikë si mysafir i Voska Sportit. Kjo fitore i siguroi vendin e parë në krye të tabelës, transmeton Portalb.mk.

Shkëndija sot arriti të fitojë kundër Voska Sportit, me golin e shënuar nga Ramadani në minutën 51’. Me këtë fitore, Shkëndija siguroi 36 pikë, dy pikë më shumë se Sileksi dhe Gostivari. Të dy ekipet luajtën baraz sot në Gostivar, 0-0.

Shkupi arriti të fitojë në Çair kundër Strugës, 3-1. Struga gjendet në pozitën e pestë me 29-të pikë, apo dhjetë pikë më shumë se Shkupi që gjendet në pozitën e gjashtë.

Ndërkohë Besa e Dobërdollit humbi si mysafir i Pelisterit. Besa gjendet në pozitën e nëntë me 13 pikë, ndërsa Voska dy pozita më poshtë me 12 pikë.

Akademia Brera humbi nga Rabotniçki, 1-3. Në të njëjtën kohë, Vardaru dhe Tikveshi ngelen baraz, 1-1.

Federata e Futbollit të Maqedonisë së Veriut më 2 dhjetor ka vendosur që dy ndeshjet e fundit të pjesës së parë të sezonit 2024/25 të luhen pa publik, për shkak trazirave ndëretnike që janë shfaqur ditëve të fundit në vend.

Për herë të parë në këtë sezone, gjysma e ekipeve në Ligën e Parë janë ekipe shqiptare, gjashtë nga dymbëdhjetë ekipet: Struga, Shkupi, Shkëndija, Gostivari, Voska dhe Besa e cila tani është inkuadruar. Ndërkohë në garën për Kupën e Maqedonisë së Veriut kanë mbetur edhe tetë ekipe: Struga, Shkëndija, Gostivari, Arsimi, Sileksi, Vardari, Akademia Brera dhe Detoniti.

Kampioni i Ligës së Parë në sezonin 2023/24 në Maqedoninë e Veriut u shpall Struga Trim&Lum, pasi në javët e fundit u zhvillua një garë e ngushtë së bashku me Shkëndijën dhe Shkupin. Në garën për fitues në sezonin e kaluar në Kupën e Maqedonisë, Tikveshi ka fituar kundër ekipit të Voska Sportit.