Limani në ceremoninë e UT-së: “Më 17 dhjetor 1994 u ndez drita më e madhe e dijes”

Universiteti i Tetovës sot festoi 31-vjetorin e themelimit, duke shënuar një datë historike për arsimin dhe dijen shqipe. Në ceremoninë përkujtimore ishte i pranishëm edhe kandidati për kryetar të Komunës së Tetovës, Valbon Limani, i cili përmes një deklarate theksoi rëndësinë e këtij institucioni.

“Më 17 dhjetor 1994, në Tetovë u ndez drita më e madhe e dijes për shqiptarët, Universiteti i Tetovës! Urime për 31-vjetorin e themelimit!” – deklaroi Limani.

Ai gjithashtu u shpreh se Universiteti i Tetovës ka luajtur një rol të pazëvendësueshëm në avancimin e arsimit dhe kulturës shqiptare në Maqedoninë e Veriut, duke ofruar mundësi për gjenerata të tëra studentësh.

Ceremonia u mbajt në ambientet e UT-së, ku pjesëmarrësit përfshinin profesorë, studentë dhe personalitete të ndryshme të jetës akademike dhe politike, duke theksuar vlerën e trashëgimisë së institucionit.

The post Limani në ceremoninë e UT-së: “Më 17 dhjetor 1994 u ndez drita më e madhe e dijes” appeared first on Flaka, në çdo lajm... .