Prokuroria ngriti akuzë kundër babait të Vasil Jovanovit, ia dha veturën djalit të tij duke e ditur se nuk kishte leje për vozitje
Ia ka dhënë çelësat e veturës për më shumë se dy vjet edhe pse e dinte se djali i tij, Vasil Jovanov nuk kishte patentë shoferi dhe kishte 11 kundërvajtje në komunikacion. Prokuroria Themelore Publike Shkup ngriti aktakuzë kundër babait të Vasilit i cili në janar në bulevardin “Arradhat Partizane” në Shkup me veturë e goditi […]
Ia ka dhënë çelësat e veturës për më shumë se dy vjet edhe pse e dinte se djali i tij, Vasil Jovanov nuk kishte patentë shoferi dhe kishte 11 kundërvajtje në komunikacion. Prokuroria Themelore Publike Shkup ngriti aktakuzë kundër babait të Vasilit i cili në janar në bulevardin “Arradhat Partizane” në Shkup me veturë e goditi për vdekje Frosina Kulakovën, transmeton Portalb.mk.
Akuza ndaj 50-vjeçarit Z.J, ka të bëjë me veprën penale të shkaktimit të rrezikut të përgjithshëm për shkak se, siç thuhet nga Prokuroria Publike Shkup, “automjetin “Peugeot 207” ia ka dhënë djalit të tij edhe pse e dinte se nuk kishte leje për vozitje dhe ishte kryes i shumëfishtë i kundërvajtjeve në komunikacion: për vozitje pa patentë shoferi, për drejtim të veturës nën ndikimin e alkoolit, mosrespektimi të semaforëve dhe vendkalimeve për këmbësorë gjatë viteve 2023 dhe 2024, si dhe fundit vepra penale aksident trafiku me pasoja fatale më 29 janar 2025”, thuhet në njoftimin e Prokurorisë Publike Shkup.
Nga atje kumtojnë se në bazë të provave të siguruara, i pandehuri nga data 4 nëntor 2022 deri më 30 janar 2025 me veprimet e tij të rrezikshme ka shkaktuar rrezik për jetën dhe trupin e njerëzve duke qenë i vetëdijshëm se veprimet e tij mund të shkaktojnë pasoja të dëmshme, por megjithatë ka menduar se ato nuk do të ndodhin.
Kujtojmë se me 28 mars 2025, Prokuroria Themelore Publike Shkup griti padi edhe kundër 20 vjeçarit Vasil Jovanov, djalit që e goditi me veturë Frosinën në vendkalimin për këmbësorë. Ai akuzohet për krime të rënda kundër sigurisë së njerëzve dhe pronës në komunikacion.Frosina Kulakova ndërroi jetë në vendngjarje.
