Prokuroria Speciale: Dëshmitari Albin Kurti s’u paraqit, do të veprojmë duke respektuar legjislacionin në fuqi
Prokuroria Speciale e Republikës së Kosovës është deklaruar për mos paraqitjen e kryeministrit Albin Kurti sot për t’u intervistuar në cilësinë e dëshimtarit. Ajo ka thënë se në këtë rast penal, sikurse në të gjitha rastet tjera do të veproj duke respektuar legjislacionin në fuqi. Njoftimi i plotë: Prokuroria Speciale e Republikës së Kosovës, pas
Ajo ka thënë se në këtë rast penal, sikurse në të gjitha rastet tjera do të veproj duke respektuar legjislacionin në fuqi.
Njoftimi i plotë:
Prokuroria Speciale e Republikës së Kosovës, pas interesimit të shumë gazetarëve, informon se dëshmitari A.K. nuk është paraqitur në Prokurorinë Speciale për të dhënë dëshminë e tij edhe përkundër faktit se i njëjti ka qenë i obliguar me Urdhër të Gjykatës Themelore në Prishtinë që të paraqitet në cilësi të dëshmitarit, për të dhënë dëshminë e tij me datë 04.03.2025 në ora 10:00, në Prokurorinë Speciale të Republikës së Kosovës.
Prokuroria Speciale e Republikës së Kosovës edhe në këtë rast penal, sikurse në të gjitha rastet tjera do të veproj duke respektuar legjislacionin në fuqi./
