“Pse nuk ftove Eglin për t’i takuar prindërit”, Gjesti: Nuk më ka…

Gjesti në spektaklin e së martës rrëfeu linjën e jetës, të mirat dhe të këqijat që ka kaluar. Pas kësaj, ai u suprizua nga prindërit e tij në një takim të veçantë në një ambient pak larg shtëpisë së famshme.

Banorët shpesh gjatë këtyre momenteve thërrasin edhe persona të tjerë të afërt për t’i takuar.

Rozana Radi e pyeti Gjestin se pse nuk e ftoi Egli Takon për t’u takuar me prindërit e tij, ndonëse ata nuk kanë qenë asnjëherë në lidhje.

Në bisedën që bëri më pas konkurrenti me të tjerët, tha se nuk i ka shkuar ndërmend.

“Nuk më ka rënë ndërmend. E shikoja mamin në sy e kisha harruar. Nuk është e lehtë. Nuk e dija a janë ato gjëra si i kisha lënë”, u shpreh ai.

Gjesti ka mbi 150 ditë që po qëndron në një izolim, meqë pas Bigut të Kosovës kaloi në Shqipëri.