Rita Ora shihet duke u larguar nga New Yorku në Aeroportin “John F. Kennedy”, pas paraqitjes spektakolare në ‘Times Square’

Rita Ora i la pa fjalë të gjithë në eventin ikonik “Dick Clark’s New Year’s Rockin’ Eve 2025” në Times Square të New Yorkut.

Pas performancës së saj si pjesë e numërimit mbrapsht të mesnatës, këngëtarja 34-vjeçare u pa në Aeroportin “John F. Kennedy” me një paraqitje të veçantë dhe të çlirët.

Ajo zgjodhi një stil të thjeshtë për fluturimin, duke kombinuar një xhaketë të madhe të stilit bomber me një kostum sportiv të hirtë, shkruan DailyMail.

Veshja e saj u plotësua me atlete ‘Nike Air Max Dn x Isamaya Ffrench’ dhe çorape blu të ndezura.

Për bagazhet, Rita përdori një çantë “Hermes Birkin 40” me material prej lëkure dhe një çantë të madhe nga marka “Miu Miu”. Këngëtarja e përfundoi paraqitjen e saj me flokët e lidhur në një topuz të rregullt, ndërsa ishte pa makijazh.

Në mbrëmjen e festimeve, Rita u shfaq me gjashtë veshje të ndryshme gjatë prezantimit të saj si bashkë-moderatore me Ryan Seacrest.

Kjo ishte hera e dytë që ajo bashkë-prezantoi ngjarjen, ndërsa Seacrest festoi 20-vjetorin e tij si drejtues i spektaklit.

Gjatë eventit, Rita u pa duke bashkëvepruar me turmën e mbledhur në Times Square dhe duke ndarë momente të qeshura me Seacrest gjatë prezantimit të tyre.

Përveç moderimit, ajo performoi një nga hitet e saj të vitit 2024, “Ask & You Shall Receive”, duke mahnitur publikun me një veshje blu tërheqëse.

Përpara ngjarjes, në një intervistë për Variety, Rita reflektoi mbi eksperiencën e drejtimit të një spektakli të drejtpërdrejtë.

“Televizioni live është magjepsës. Preferoj shumë spektaklet live sesa ato të regjistruara, sepse më pëlqen adrenalina dhe dinamika e tyre. Unë punoj më së miri nën presion”, tha ajo.

Këngëtarja gjithashtu përmendi se ishte emocionuar për performancën e saj, duke shtuar: “Performancat live janë gjithmonë magjike; është e mahnitshme të shohësh artistët në aksion. Jam pak nervoze për performancën time, por mezi pres ta ndaj këtë moment me publikun”.

Në lidhje me bashkëpunimin e saj me Seacrest, ajo u shpreh me mirënjohje: “Nëse më ftojnë sërish dhe Ryan më dëshiron në ekip, padyshim që do të rikthehem. Fluturova që nga Zelanda e Re vetëm për këtë event, sepse për Ryan, do të bëj gjithçka. Ky spektakël është kaq argëtues dhe jam shumë e lumtur që isha pjesë e tij”.