RMV, edhe 800 dënime tjera në komunikacion, Policia ka aktivizuar gjithë potencialin për komunikacion të sigurt
Në Maqedoninë e Veriut është rritur siguria në komunikacion përmes rritjes së pjesëtarëve të policisë në komunikacion, për çka çdo ditë ka mbi 800 shoferë të dënuar, transmeton Portalb.mk. “Fillimisht diskutuam nevojën për nisjen sa më të shpejtë të sistemit të mbikëqyrjes së automatizuar “Qyteti i sigurt” pas përfundimit të ndryshimeve ligjore, apo normativave, edhe […]
Në Maqedoninë e Veriut është rritur siguria në komunikacion përmes rritjes së pjesëtarëve të policisë në komunikacion, për çka çdo ditë ka mbi 800 shoferë të dënuar, transmeton Portalb.mk.
“Fillimisht diskutuam nevojën për nisjen sa më të shpejtë të sistemit të mbikëqyrjes së automatizuar “Qyteti i sigurt” pas përfundimit të ndryshimeve ligjore, apo normativave, edhe pse teknikisht tashmë është gati për t’u vënë në përdorim”, deklaroi drejtori i Byrosë për Siguri Publike në MPB, Alekandar Janev.
Ministria për Punë të Brendshme ka mobilizuar gjithë potencialin për zbatimin e suksesshëm të sigurisë në komunikacion, për çka ka zhvilluar takim me institucionet kompetentë në kuadër të aksionit operativ “Siguria në komunikacion”.
Në këtë takim u vendos që të realizohen fushata të ndryshme përmes së cilës do të promovohen materiale për vetëdijesimin e qytetarëve.
Policia e RMV-së raportoi se të enjten janë shqiptuar 809 dënime, ashtu që 164 janë për parking jo të rregullt dhe 232 për tejkalim të shpejtësisë.
Ndryshe, Frosina Kulakova ka ndërruar jetë më 29 janar pasi ishte goditur me veturë në një vendkalim për këmbësor nga 20-vjeçari . Prokuroria kishte sqaruar që paraprakisht është bërë kallëzim edhe për një aksident tjetër të ndodhur më 04.11.2022, pas së cilës një person ka mbetur i lënduar.
Para vendkalimit të këmbësorëve të rregulluar me semaforë që punonin në rregull në momentin e aksidentit, ai ka vazhduar lëvizjen me semafor të kuq të ndezur dhe ka goditur trupin e këmbësores-viktimës Frosina Kulakova me pjesën e përparme të majtë të veturës.
- LEXO: Mbi 500 dënime brenda ditës vetëm në Shkup, Toshkovski paralajmëroi sistem të ri
- LEXO: Kur dhe çfarë do të dënohet me kamerat e vëzhgimit në trafikun e Maqedonisë së Veriut?
- LEXO: Në Shkup përsëri u protestua për vdekjen e Frosinës në komunikacion, motra e saj kërkoi përgjegjësi nga gjyqtarja dhe prindi
- LEXO: Shoferi që goditi për vdekje 22 vjeçaren në Shkup ishte në paraburgim deri para gjysmë viti
- LEXO: Një vajzë 22 vjeçare humbi jetën në një aksident trafiku në Shkup, u arrestua shoferi që e goditi
