Rrecaj “godet” Qeverinë Kurti: Ka dështuar në drejtësi dhe asnjë i ri nuk është punësuar

Avokati Visar Rrecaj ka hedhur kritika të ashpra në drejtim të Qeverisë Kurti për sa i përket sistemit të drejtësisë dhe punësimit.

Ai në emisionin “Raport” në Kanal10, ka thënë se kjo qeveri ka dështuar në sistemin e drejtësisë, teksa ka thënë se asnjë i ri nuk është punësuar.

“Dy premtimet kanë qenë drejtësia dhe punësimi, në drejtësi kanë dështuar 100 për qind në punësim asnjë i ri nuk është punësuar. Nuk është e vërtetë që e kanë penguar Këshilli Prokurorial dhe Këshilli Gjyqësor, përkundrazi ekzekutivi ka përgjegjësi që t’i rritë me kapacitet humane dhe logjistike e pastaj të lyp përgjegjësi, nëse t’i donë me lyp drejtësi atëherë ti e ndihmon drejtësinë sepse është një pushtet tjetër, unë konsiderojë që nuk e kanë kuptuar mirë raportet e forcave të pushteteve kur kanë ardhë në pushtet kryeministri dhe qeveria e tij dhe kanë menduar se si të vijnë këta duhet të gjithë me ndëgju edhe me u nënshtru secili institucion, por jo sepse këto janë kategori kushtetuese të pavarura dhe nuk mundesh t’i me i kap dhe me i kontrollu”, ka thënë Rrecaj. /Gazeta10/