Rritje e qarkullimit në industrinë e Maqedonisë së Veriut

Në Maqedoninë e Veriut gjatë muajit janar është regjistruar rritje e qarkullimit për 8.9 përqind në industri, krahasuar me janarin e kaluar. Në krahasim me muajin paraprak, rritja është për 4.9 përqind, transmeton Portalb.mk.

“Sipas grupeve kryesore industriale, qarkullimi i përgjithshëm në industri gjatë muajit janar 2025, krahasuar me periudhën e njëjtë të vitit paraprak, shënon rritje te Prodhimet intermediare, përveç energjisë për 13.5%, te Prodhimet kapitale për 11.0%, Prodhimet të qëndrueshme për konsum të gjerë për 15.7% dhe te Prodhimet jo të qëndrueshme për konsum të gjerë për 0.6%”, raportoi Enti Shtetëror për Statistika.

Në tregun vendor, industria ka shënuar ulje të qarkullimit për 0.5 përqind, ndërsa në tregun ve jashtëm kemi rritje për 10.8 përqind.