Shtetet që sollën më së shumti turistë në Maqedoninë e Veriut

Në Maqedoninë e Veriut gjatë muajit nëntor janë regjistruar gjithsej 66 701 turistë, ashtu që 45 656 janë turistë të huaj, transmeton Portalb.mk.

Më së shumti turistë kanë ardhur nga Turqia (14 193), Serbia (3790), Greqia (3561), Bullgaria (3396), etj.

Turistët e huaj më së shumti janë vendosur në Shkup (24 043) dhe qytetet me liqene (11 247). Më së shumti janë shfrytëzuar hotelet me katër yje (20 836) dhe ato me pesë yje (17 831).

Në Maqedoninë e Veriut gjatë njëmbëdhjetë muajve të parë të vitit 2024 janë regjistruar 1 205 054 turistë, prej të cilëve 796 127 të huaj, apo 13.8 % më shumë se periudha e njëjtë e vitit të kaluar.