Sot dhe nesër regjim i posaçëm i komunikacionit në Shkup

SPB Shkup njoftoi qytetarët e Shkupit se sot (27.01.) dhe nesër (28.01.2025) do të ketë regjim të posaçëm komunikacioni pasi kryetari i Kuvendit të Republikës së Malit të Zi, Andrija Mandiq, do të vizitojë Republikën e Maqedonisë së Veriut, transmeton Portalb.mk.

“Njësiti për siguri në komunikacionin rrugor në SPB Shkup do të marrë masa për regjim të veçantë të komunikacionit në rrugët në zonën më të gjerë qendrore të qytetit të Shkupit”, thuhet në njoftim.

SPB Shkup u bën thirrje të gjithë qytetarëve pjesëmarrës në komunikacion që t’u binden urdhrave të dhëna nga zyrtarët policorë.