U shkarkua në Brazil, Davide Ancelotti merr drejtimin e skuadrës së Serie A

Davide Ancelotti në Serie A.

Trajneri i Pisa, Alberto Gilardino, duket se është në fund të aventurës së tij. Klubi po mendon për shkarkimin e tij edhe pse për momentin duket se vendimi është shtyrë. Por, një tjetër humbje fundjavën e ardhshme, mund të jetë fatale për 43-vjeçarin.

Dhe, meqenëse ndeshja tjetër do të jetë kundër Juventus, shanset për një pikë kthese duken të pakta. Për këtë arsye, Pisa po punon për të gjetur një zëvendësues dhe ideja është ajo e Davide Ancelotti, djalit të Carlo Ancelotti.

Mundësia për të sjellë një emër të rëndësishëm si Ancelotti Jr., i cili u rrit në hijen e babait të tij dhe tani po nis një karrierë personale, duket se janë të mëdha. Ai sapo u lirua nga Botafogo dhe për momentin është një trajner i lirë.

Gilardino kritikohet kryesisht për rezultatet e tij. Merkato e janarit gjithashtu po vjen në ndihmë dhe Pisa po punon në disa opsione për të forcuar pozicionin e saj. Ndryshimi i trajnerit gjithashtu përshtatet në këtë kontekst.

Pasi përfundoi i gjashti në kampionatin Brazilian, Ancelotti Jr. u shkarkua javën e kaluar. Një vendim që ai e pranoi pa u shqetësuar aspak ndoshta sepse mundësia për të debutuar në Serie A si trajner me Pisa po fitonte terren.