Vërmicë: Kapet me marihuanë, ndalohet një shtetas i Shqipërisë

Policia e Kosovës ka ndaluar një shtetas të Shqipërisë në pikën hyrëse në Vërmicë, pasi gjatë kontrollit të automjetit të tij janë gjetur substanca të dyshuara narkotike.

Sipas raportit 24-orësh, Policia ka kontrolluar automjetin me targa të Shqipërisë, të cilin e drejtonte i dyshuari, dhe ka konfiskuar rreth 3.90 gramë substancë që dyshohet të jetë marihuana.

“Pas intervistimit në konsultim me prokurorin i dyshuari është liruar në procedurë të rregullt”, thotë Policia.