Villma Ruskovska për rastin "27 Prill": "Nuk ka qenë gjyq i montuar, provat janë publike"

Villma Ruskovska për rastin "27 Prill": "Nuk ka qenë gjyq i montuar, provat janë publike"

Ish-drejtoresha e Prokurorisë për Ndjekjen Penale të Krimit të Organizuar dhe Korrupsionit, Villma Ruskovska, ka hedhur poshtë kategorikisht akuzat për "gjyq të montuar" në rastin e ngjarjeve të 27 prillit, duke theksuar se të gjitha provat janë publike dhe dokumentohen me materiale të forta.

Provat janë të dokumentuara dhe publike

Sipas Ruskovskës, rasti u zhvillua në bazë të provave të forta materiale, të cilat u konfirmuan nga Gjykata e Apelit dhe Gjykata e Lartë. Ajo theksoi se asnjë provë nuk u fsheh nga mbrojtja, duke shtuar se avokatët kishin qasje të plotë në të gjitha materialet, të cilat u skanuan dhe u dorëzuan.

“Ngjarjet e 27 prillit u dokumentuan me materiale të shumta video dhe foto, dhe e gjithë bota i pa provat”, deklaroi ajo, duke hedhur poshtë spekulimet për prova të reja që mund të ndryshojnë gjykimin.

Kualifikimi ligjor i krimeve

Ruskovska u drejtua edhe drejt kualifikimit ligjor të krimeve, duke sqaruar se të akuzuarit nuk u ndoqën penalisht për terrorizëm klasik, por për “Kërcënim Terrorist ndaj Rendit Kushtetues dhe Sigurisë”.

“Këto janë krime të ndryshme, të vendosura në kapituj të ndryshëm të Kodit Penal”, shpjegoi ajo, duke theksuar se publiku shpesh keqinterpreton akuzat.

Mos varësia nga qeveria e atëhershme

Ajo hodhi poshtë pretendimet se rasti u zhvillua me urdhër të qeverisë së atëhershme të LSDM-së, duke përmendur faktin se ajo u pezullua dhe u shkarkua gjatë asaj periudhe. “Kjo tregon se unë nuk punova nën diktat politik”, theksoi Ruskovska.

Me fjalët e saj, “27 prilli” ishte një rast i dokumentuar me prova të forta, i cili u konfirmua nga gjykatat superiore, duke hedhur poshtë çdo spekullim për manipulim ose fshehje provash.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.