Zbardhet vrasja e biznesmenit, policia arreston 2 persona, shpall në kërkim autorët
Policia e Elbasanit ka zbardhur dhe ka shpallur në kërkim dy autorët e dyshuar të vrasjes së biznesmenit Edmond Mëhalla, i cili u ekzekutua mbrëmjen e së dielës pranë karburantit në pronësi në tij në unazën juglindore të Elbasanit. Marselo Arani 32 vjeç dhe Armando Kola, 35 vjeç janë identifikuar dhe shpallur në kërkim nga
Policia e Elbasanit ka zbardhur dhe ka shpallur në kërkim dy autorët e dyshuar të vrasjes së biznesmenit Edmond Mëhalla, i cili u ekzekutua mbrëmjen e së dielës pranë karburantit në pronësi në tij në unazën juglindore të Elbasanit.
Marselo Arani 32 vjeç dhe Armando Kola, 35 vjeç janë identifikuar dhe shpallur në kërkim nga policia e Elbasanit si autorët e dyshuar të kësaj vrasje. Një prej të dyshuarve, Marselo Arani banues ne Elbasan, rezulton me masë sigurie arrest në shtëpi për një tjetër vepër penale. Ndërsa i dyshuari tjetër është banues në qytetin e Laçit.
Gjithashtu policia ka arrestuar pronarin e mjetit tip audi, Xhino Ago,32 vjeç banues në Elbasan, i cili akuzohet si bashkëpunëtor në këtë vrasje, duke u dhënë hua mjetin e tij autorëve të shpallur në kërkim. Në pranga ka rënë gjithashtu edhe roja i karburantit, ku u vra biznesmeni, Kujtim Pisha 52 vjeç i akuzuar për moskallëzim krimi.
Të dhënat paraprake hetimore ngrenë dyshime se motivet e vrasjes së biznesmenit Edmond Mehalla kanë të bëjnë me konfliktet që ka patur i ndjeri për shkak të bizneseve të tij, por pa specifikuar konkretisht. Gjithashtu grupi i hetimit po vijon verifikimet për identifikimin edhe të personave të tjerë të përfshirë ose të interesuar në këtë atentat./A2 CNN
