33 faqe të paligjshme të lojërave të fatit bllokohen nga Ministria Digjitale

Ministri i Transformimit Digjital, Stefan Andonovski, nënshkroi sot një urdhër për të kufizuar qasjen në faqet dhe aplikacionet e paligjshme të internetit përmes rrjeteve publike të komunikimit elektronik, me fokus tek lojërat e fatit të paligjshme.

Sipas Ministrisë së Transformimit Digjital, 33 faqe interneti të paligjshme janë futur në listën e ndalimit me këtë urdhër, duke e çuar numrin total të faqeve të bllokuara deri tani në 307.

Urdhri iu është dorëzuar Agjencisë për Komunikime Elektronike, e cila është e detyruar ta dërgojë atë tek operatorët e rrjeteve të komunikimit elektronik, të cilët duhet të zbatojnë masën brenda pesë ditëve.

Ministria thekson se ky hap synon të mbrojë qytetarët dhe të parandalojë aksesin në lojëra të fatit të paligjshme, duke rritur sigurinë dhe kontrollin mbi aktivitetet online.

Flaka

The post 33 faqe të paligjshme të lojërave të fatit bllokohen nga Ministria Digjitale appeared first on Flaka, në çdo lajm... .