Abdixhiku denoncon përmbysjen e rendit kushtetues nga LVV: "Akt i paimagjueshëm për shtetin demokratik"

Abdixhiku denoncon përmbysjen e rendit kushtetues nga LVV: "Akt i paimagjueshëm për shtetin demokratik"

Kryetari i Lidhjes Demokratike të Kosovës (LDK), Lumir Abdixhiku, ka reaguar ashpër ndaj veprimeve të Lëvizjes Vetëvendosje (LVV) gjatë seancës për votimin e presidentit në Kuvendin e Kosovës, duke iu referuar mungesës së kuorumit.

Në një postim të ndjeshëm në Facebook, Abdixhiku e ka cilësuar këtë natë si një nga më të rënda për Republikën, duke theksuar se veprimet e LVV-së kanë shkelur rendin kushtetues dhe kanë imponuar një vullnet parapolitik, duke shkelur çdo standard demokratik.

Një akt që do të ketë pasoja të mëdha

“E paimagjinueshme për një shtet të ri demokratik dhe për ata që e duan këtë vend si një shtet normal”, ka shkruar Abdixhiku, duke theksuar se për këtë akt të sontëm do të ketë përgjegjësi politike, institucionale dhe kombëtare.

Ai ka shtuar se Republika nuk mund të merret peng dhe se LDK-ja nuk do ta lejojë që ajo të trajetohet si një "leckë" nga subjektet politike që veprojnë jashtë kornizave ligjore.

LDK-ja ofron 15 nënshkrime për president

Abdixhiku ka përsëritur se LDK-ja ka ofruar 15 nënshkrime për president, duke iu referuar propozimit të tyre për një marrëveshje politike që u refuzua nga LVV gjatë seancës së mbushur me propagandë.

“Këto janë 15 nënshkrimet e deputetëve të LDK-së, të dhëna mbi bazën e propozimit tim për një marrëveshje politike që u refuzua sot nga Lëvizja Vetëvendosje në një seancë përplot propagandë”, ka shkruar ai.

Në fund, Abdixhiku ka dërguar një mesazh të fortë: “Mes shtetit ‘karate’, propagandës dhe mashtrimit, ne zgjedhim Republikën! Të përhershmen, të përjetshmen!”.

Burimi i lajmit: orainfo.net
Shënim: Ky material është përpunuar për qëllime informimi nga Portali lajme.mk.