Aksident i rëndë në Debresh: Tre të lënduar pas përplasjes mes një “Opeli” dhe një “Nissani”

Më datë 23.04.2026 në orën 23:50, në SPB Tetovë është raportuar se në rrugën rajonale Gostivar – fsh. Gradec, saktësisht në fshatin Debreshë, ka ndodhur një aksident trafiku mes automjetit “Opel” me targa të Shkupit, i drejtuar nga N.A. (20) nga fshati Vranjoc dhe automjetit “Nissan” me targa të Gostivarit, i drejtuar nga H.I. (32) nga fshati Dobërdoll.
​Në aksident ka pësuar lëndime të rënda trupore shoferi H.I., të konstatuara në Qendrën Urgjente në Gostivar. Ndërkohë, lëndime trupore kanë pësuar edhe shoferi i automjetit “Opel” dhe pasagjerja në veturën Nissan, S.U. Këqyrja e vendit të ngjarjes është kryer nga ekipi i inspektimit të DPB Gostivar.