Arrestohen 4 shtetas të SHBA-së në Shkup

Nga Ministria e Punëve të Brendshme njoftojnë se gjatë ditës së djeshme në rajonin e Kisella Vodës në Shkup janë arrestuar 4 shtetas amerikanë, pasi të njëjtit ishin rrahur mes vete, ndërsa kishin sulmuar edhe efektivët e policisë.

“Me datë 27.04.2024, në ora 05:00, në rajonin e Kisella Vodës, nga ana e punonjësve të policisë së SPB-Shkup, janë ndaluar K.T.C (27), A.J.M. (25) dhe D.M. (24) dhe M.A.J. (24), të gjithë nga SHBA, pas një debati verbal kanë prishur rendin dhe qetësinë publike, e që është shndërruar në përleshje fizike, ndërsa disa prej tyre janë sjellë në mënyrë agresive ndaj punonjësve të policisë që kryenin veprime zyrtare”, njofton MPB.