Azizi: Familjarët e Ahmetit, Xhaferit dhe Grubit jetojnë në luks! Reagon Xhaferi: E pavërtetë, të kërkojë falje ose do ta padis

Në takimin që Lëvizja Besa pati në Dibër, sekretari i saj, Adnan Azizi, në fjalimin e tij mes tjerash tha se, familjarët e Ali Ahmetit, Talat Xhaferit dhe Artan Grubit jetojnë në luks marramendës dhe shtoi se, kanë rreth 8 vetura private që kushtojnë rreth 100 mijë euro dhe se kanë banesa në Maqedoni dhe Shqipëri.

“Familjarët e Ali Ahmetit, e Talat Xhaferit, e Artan Grubit, jetojnë në luks marramendës. Vetëm “Soravia” 42 milionë euro. Vetëm veturat private besomëni që i kanë ka 7-8, nuk është asnjëra ndër 100 mijë euro, mos të flasim për banesa që kanë në Shkup, Tetovë, Durrës, Gjiri i Lalzit, Ulqin dhe shumë kompani biznesi që janë mundu t’i humbin gjurmët që i kanë themeluar në Evropë”, tha Adnan Azizi.

Për këtë deklaratë të Azizit ka reaguar Talat Xhaferi ku edhe ishte i përmendur emri që siç thotë, deklaratat e tilla janë shpifje dhe të pavërteta që kanë për qëllim prishjen e imazhit të tij dhe të familjes. Xhaferi tha se, e gjithë pasuria që ai posedon janë të qasshme për publikun dhe se janë të deklaruara në listën anketuese pranë Komisionit Shtetëror për Parandalim të Korrupsionit.

“Këto shpifje të adresuara ndaj meje dhe të shpërndara në publikun e gjerë i hudhi si të pavërteta dhe tendencioze të cilat kanë për qëllim prishjen e imazhit tim dhe të familjes time. Çdo gjë që posedojë dhe kam në pronësi unë dhe familja ime janë të qasëshme për publikun e gjerë përkatësisht janë të deklaruara në listën anketuese pranë Komisionit Shtetëror për Parandalim të Korrupsionit dhe të njejtat jo vetëm publiku por edhe institucionet përkatëse mund t’i verifikojnë”, tha Xhaferi.

Ndërsa për deklarimet e Azizit, Xhaferi tha se, do të kërkojë afat të caktuar ligjor për kërkim falje, në të kundërtën do t’i ndjekë të gjitha rrugët ligjore për mbrojtjen e dinjitetit të tij deh familjes.

“Kërkojë që ky reagim të publikohet në mediumin tuaj si kundërpërgjigje e shpifjeve të ulëta, të pabaza dhe tendencioze nga personi Adnan Azizi. Ndërsa sa i përket të apostrofuarit nga i njejti për shpifjet e plasuara do të kërkojë që në afat të përcaktuar ligjor të më kërkojë falje publike mua dhe familjes time, në të kundërtën do të detytohem të ndjekë rrugën ligjore pranë institucioneve kompetente- Gjykatave, për mbrojtjen e dinjitetit tim personal dhe të familjes”, ka shkruar Xhaferi në rrjetin social Facebook.

The post Azizi: Familjarët e Ahmetit, Xhaferit dhe Grubit jetojnë në luks! Reagon Xhaferi: E pavërtetë, të kërkojë falje ose do ta padis appeared first on InfoShqip.com.