Beteja për jetën e Liridon Rexhës hyn në fazë kritike – familja apelon për ndihmë urgjente për trajtim jashtë vendit

Familja Rexha ka bërë një apel publik për ndihmë, duke njoftuar se gjendja shëndetësore e Liridon Rexhës është rënduar ndjeshëm pas një trajtimi disamujor që, fatkeqësisht, nuk ka dhënë rezultatet e pritura.

Sipas njoftimit të familjes, Liridoni ka ndjekur për tre muaj trajtim me kimioterapi dhe imunoterapi në Shqipëri, por analizat e fundit kanë treguar se terapia nuk ka pasur efektin e duhur, pavarësisht kostove të larta të përballuara deri më tani.

Përballë kësaj situate, mjekët kanë rekomanduar trajtim të specializuar urgjent në Turqi, ku ai tashmë ka nisur procedurat e para mjekësore. Megjithatë, ky ndryshim i menjëhershëm ka sjellë një rritje të ndjeshme të kostove financiare.

Familja bën të ditur se fondet e premtuara nga shteti mbulojnë vetëm një pjesë të vogël të shpenzimeve, kryesisht ato të operacionit, ndërsa pjesa tjetër – përfshirë ekzaminimet dhe terapinë e avancuar të rekomanduar nga onkologët (Padcev dhe Keytruda) – mbetet e papërballueshme për ta.

Sipas vlerësimeve aktuale, kostoja totale e trajtimit mund të arrijë deri në rreth 200 mijë euro.

Duke falënderuar të gjithë ata që kanë kontribuar deri më tani, familja Rexha thekson se, për shkak të rritjes së papritur të shpenzimeve, janë të detyruar të kërkojnë sërish mbështetjen e qytetarëve.

“Çdo ndihmë, sado e vogël, dhe çdo shpërndarje e këtij apeli mund të bëjë një ndryshim të madh në këtë betejë për jetën,” thuhet në thirrjen e familjes.

Qytetarët që dëshirojnë të kontribuojnë mund ta bëjnë këtë përmes platformës GoFundMe, si dhe përmes të dhënave bankare të publikuara nga familja.

Të dhënat për donacione:

Linku zyrtar i GoFundMe: https://gofund.me/97126ebf8

Brenda Kosovës
• Banka: Raiffeisen Bank Kosovo
• Përfituesi: Liridon Rexha
• Nr. i llogarisë: 1503050000509613

Nga Diaspora (IBAN / SWIFT)
• IBAN: XK05 1503 0500 0050 9613
• SWIFT/BIC: RBKOXKPR

Kontakt:
+383 44 860 485

Familja apelon për solidaritet dhe mbështetje në këtë moment të vështirë, duke shpresuar se përmes ndihmës së qytetarëve do të mundësohet vazhdimi i trajtimit jetik për Liridon Rexhën.