Bylbyl Sokoli pjesë e listës së LVV-së për deputet

Trajneri i njohur i futbollit, Bylbyl Sokol, zyrtarisht i ka hyrë rrugës së politikës. Ai do të jetë pjesë e listës së Lëvizjes Vetëvendosje në zgjedhjet e 9 shkurtit.

Kështu ka bërë të ditur kryeministri Albin Kurti, përmes një postimi në Facebook.

“Profesor Bylbyl Sokoli ka një kontribut tejet të çmueshëm në zhvillimin e sportit. Përvoja dhe dija profesionale është vlerë e shtuar për qeverisjen tonë të ardhshme që edhe më tej do ta ketë sportin prioritet shtetëror”, ka shkruar Kurti.

Postimi i plotë:

Mirësevjen, profesor!

Profesori universitar, trajneri i futbollit me licencë nga UEFA, ish futbollisti i njohur Bylbyl Sokoli u bë pjesë e listës së fitores të Lëvizjes VETËVENDOSJE!.

Profesor Bylbyl Sokoli ka një kontribut tejet të çmueshëm në zhvillimin e sportit. Përvoja dhe dija profesionale është vlerë e shtuar për qeverisjen tonë të ardhshme që edhe më tej do ta ketë sportin prioritet shtetëror.

Nga sot jemi edhe më të fortë në betejën tonë të 9 shkurtit. /Gazeta10/