Meloni: Tarifat e SHBA do na godasin rëndë, do të japim përgjigje

Hyrja në fuqi e tarifave të reja amerikane do të godiste rëndë prodhuesit italianë. Kështu është shprehur nga Roma kryeministrja italiane Giorgia Meloni, duke shtuar se duhet bërë çdo përpjekje për të shmangur një luftë tregtare.

“Është e qartë se vendosja e tarifave të reja do të kishte pasoja të rënda për prodhuesit italianë”, tha kryeministrja italiane Meloni. Meloni, një mike e Trump, e cila ka qenë më e kujdesshme se liderët e tjerë të BE-së për mënyrën sesi blloku duhet të reagojë ndaj tarifave, tha se ajo nuk përjashtoi “përgjigjet adekuate” për të mbrojtur produktet italiane.

Presidenti i SHBA Donald Trump pritej të shpallte tarifa të reja gjithëpërfshirëse për partnerët tregtarë globalë më 2 prill, duke prishur balancat tregtare, të cilat për dekada me radhë ishin bazuar në rregulla, duke rrezikuar rritjen e kostove dhe me gjasë duke ngjalluar hakmarrje nga të gjitha anët.

The post Meloni: Tarifat e SHBA do na godasin rëndë, do të japim përgjigje appeared first on InfoShqip.com.