Drilon Rama shpallet fitues i ‘Big Brother VIP Kosova 3’

Pas javësh të tëra plot emocione, sfida dhe momente të paharrueshme, Drilon Rama ka kurorëzuar ëndrrën e tij duke fituar edicionin e tretë të Big Brother VIP Kosova.

Në një spektakël madhështor të mbajtur natën e sotme, Driloni u shpall fitues mes brohorimave të publikut dhe emocionit të madh në sytë e tij, shkruan Indeksonline.

Gjatë qëndrimit të tij në shtëpinë e Big Brother VIP, Driloni spikati me personalitetin e tij të fortë, sinqeritetin dhe aftësinë për të krijuar lidhje të sinqerta me banorët e tjerë.

Ai u bë një nga favoritët e publikut falë qasjes së tij pozitive dhe mënyrës së veçantë si përballonte situatat më të vështira.

Fitimi i këtij çmimi jo vetëm që i hap dyer të reja në karrierë, por gjithashtu e përforcon pozicionin e tij si një figurë publike e dashur në Kosovë dhe më gjerë.

Big Brother VIP Kosova, një nga spektaklet më të ndjekura në vend, edhe këtë edicion arriti të mbledhë pas ekranit miliona shikues, duke dhuruar emocione dhe momente të paharrueshme për të gjithë./Indeksonline