Era Istrefi publikon këngën e re “Million $$$ Man”

Këngëtarja e njohur shqiptare, Era Istrefi, ka publikuar projektin e saj më të ri muzikor, të titulluar “Million $$$ Man”.

Kënga është shoqëruar edhe me një videoklip dinamik dhe vizualisht të kuruar, që pasqyron stilin e guximshëm të artistes.

Teksti i këngës mban firmën e vetë Erës, e cila këtë herë ka bashkëpunuar me Zana Kurteshin, Art Halitin dhe Eko, duke sjellë një material të freskët dhe tërheqës, si në përmbajtje ashtu edhe në interpretim.

E njohur për zërin e saj të veçantë, për energjinë në skenë dhe për stilin unik, Era ka krijuar një identitet të veçantë artistik që ka kapërcyer kufijtë e Shqipërisë.

Pas suksesit ndërkombëtar me këngë si “BonBon”, ajo ka vijuar të eksperimentojë me zhanre të ndryshme muzikore dhe të ruajë një prani të fuqishme në industrinë muzikore.

“Million $$$ Man” sjell një kombinim të rrymave moderne me një frymë sensuale dhe rebeluese, që e identifikon qartë Erën si një artiste që nuk ndjek trendet – por i krijon ato.

Publiku ka nisur të reagojë pozitivisht që në orët e para të publikimit, duke e konsideruar këngën si një rikthim të fortë të artistes pas një pauze të shkurtër në skenën muzikore. /Telegrafi/