Gjeorgjievski fitues në Bashkinë e Shkupit

Orce Gjeorgjievski nga VMRO-DPMNE ka shpallur fitore në garën për Bashkinë e Shkupit.

Nga 98.55% e votave të numëruara në Bashkinë e Shkupit, Gjeorgjievski ka marrë 94.214 vota, kundrejt Amar Mecinoviqit nga “E Majta”, i cili ka marrë 59.959 vota.

Kryetari i VMRO-DPMNE-së, Hristijan Mickoski, deklaroi në konferencën për shtyp pas shpalljes së rezultateve, tha se rezultatet përfaqësojnë një fitore për popullin dhe energjinë e re që po e çon vendin përpara, dhe jo një arsye për gëzim politik.

“Nuk jam i lumtur për debaklin e LSDM-së, por ky është një reflektim se ajo parti nuk është reformuar. Sonte nuk po festojmë humbjen e tyre, por energjinë e re që po e çon vendin përpara”, tha Mickoski.

Ai theksoi se çdo votë e fituar është një detyrim dhe përgjegjësi për VMRO-DPMNE-në që të vazhdojë të punojë në interes të qytetarëve.

“Çdo votë që morëm është një detyrim, dhe unë i qasem çdo vote me përgjegjësi. Këto zgjedhje janë një mesazh edhe për ne — të mos ikim nga suksesi, të ndryshojmë dhe të përmirësohemi”, theksoi ai.