Gostivari rikujton 1999-ën me vizitë dokumentuese për dëbimin e shqiptarëve nga Kosova

Në Gostivar u zhvillua një vizitë nga përfaqësues të Instituti për Krimet e Kryera gjatë Luftës në Kosovë, me qëllim mbledhjen e dëshmive dhe materialeve që dokumentojnë dëbimin me dhunë të shqiptarëve nga shtëpitë e tyre gjatë vitit 1999.

Gjatë vizitës, ekipi u fokusua në grumbullimin e fotografive, videove dhe dëshmive të shkruara që pasqyrojnë krizën e refugjatëve të asaj periudhe, kur shumë banorë të Gostivarit dhe zonave përreth ofruan strehim dhe ndihmë për të dëbuarit.

Delegacioni vizitoi edhe fshatin Çegran, ku zhvilloi takime me banorë lokalë që kishin qenë të angazhuar në funksionimin e Kampi i Çegranit. Ky kamp gjatë luftës strehoi mbi 50 mijë shqiptarë nga Kosova, ndërsa mijëra të tjerë u sistemuan në shtëpi private, duke e shndërruar zonën në një simbol të solidaritetit dhe mikpritjes.

Vizita përkon simbolikisht edhe me 24 marsin, datë që shënon fillimin e bombardimeve të NATO ndaj regjimit të Slobodan Milosevic në vitin 1999, një moment kyç që çoi drejt përfundimit të luftës dhe çlirimit të Kosovës. Gazeta Flaka

The post Gostivari rikujton 1999-ën me vizitë dokumentuese për dëbimin e shqiptarëve nga Kosova appeared first on Flaka, në çdo lajm... .