Gresa i drejtohet Xuxit. Edhe 10 vakte me i falë, nuk ta pranon Zoti

Konkurrentët e Big Brother VIP Kosova 3, Xuxi dhe Gresë Gashi, janë përplasur me njëri-tjetrin.

Gjatë diskutimit të tyre në shtëpinë e famshme nuk kanë munguar as ofendimet e gjuha denigruese.

Naim Bunjaku (emri i vërtetë) ia përmendi aktores disa gjëra që kishte thënë për të, gjë që bëri që situata të agravonte.

“Ti je shumë i vogël, me gjestet që i ke bërë je shumë i vogël. S’mundesh me dalë mirë ti me gjestet që i ke bërë”, u shpreh Gresa.

Xuxi madje i kërkoi Gresës llogari për ato që i ka thënë lidhur me praktikimin e tij të fesë.

“Kur je njeri i ligë nuk të pranohet, ti edhe 10 vakte me i falë nuk t’i pranon Zoti. Njerëzit e ligë nuk i donë Zoti edhe ti si njeri i ligë kot po falesh”, u shpreh ajo.

Të njëjtit kanë pasur përplasje edhe në shumë raste të tjera, duke mos u pajtuar me njëri-tjetrin në shumë gjëra.