Itali, 2 milionë njerëz protestojnë për Gazën

Më shumë se 2 milionë njerëz në të gjithë Italinë u mblodhën në mbi 100 qytete të premten për një grevë të përgjithshme njëditore në mbështetje të banorëve të Gazës dhe një mision ndihme humanitare, tha sindikata më e madhe e Italisë.

Sindikatat italiane shpallën grevën pasi Flotilja Global Sumud që po përpiqej të thyente bllokadën detare të Izraelit për të dërguar ndihmë në Gaza u kap nga forcat detare izraelite të mërkurën në mbrëmje. Protesta kanë shpërthyer në të gjithë Evropën dhe globalisht që atëherë, por ato kanë qenë veçanërisht të forta në Itali.

Kryeministrja konservatore e Italisë, Giorgia Meloni, e kishte kritikuar ashpër grevën. Ajo parashikoi se do të shkaktonte përçarje të përhapura në të gjithë vendin dhe tha se ishte e motivuar politikisht dhe kishte në shënjestër qeverinë e saj të krahut të djathtë, raporton AP.
Sipas sindikatës CGIL, 300,000 njerëz marshuan vetëm nëpër rrugët e Romës, ndërsa pjesëmarrja mesatare kombëtare në grevën e përgjithshme ishte rreth 60%, duke ndaluar të gjitha shërbimet kryesore në sektorët kryesorë, përfshirë transportin dhe shkollat.

Në Firence, protestuesit iu afruan portave të qendrës stërvitore të ekipit kombëtar italian të futbollit për të kërkuar që ndeshja e tyre e ardhshme kualifikuese për Kupën e Botës kundër Izraelit të mos luhej për shkak të luftës në Gaza