Katy Perry përgatitet për fluturimin historik në hapësirë: E bëj për vajzat e reja

Katy Perry po përgatitet intensivisht, jo vetëm fizikisht, por edhe psikologjikisht, për fluturimin e saj në hapësirë me misionin Blue Origin, i pari në histori vetëm me gra që nga viti 1963.

Krijuesja e hiteve si “Roar” dhe “ET”, do të udhëtojë së bashku me të fejuarën e Jeff Bezos, Lauren Sanchez, gazetaren Gayle King dhe tri gra të tjera, në një mision 11-minutësh në hapësirë.

Në një intervistë për “Associated Press”, Katy tha se motivon veten çdo ditë duke i kujtuar që po e bën këtë për të frymëzuar brezin e ri – veçanërisht vajzat e reja, shkruan DailyMail.

Ajo ka lexuar libra të Carl Sagan dhe studime mbi teorinë e fijeve për të kuptuar më shumë rreth shkencës pas këtij udhëtimi. “Jam e emocionuar për inxhinierinë, për STEM-in, për gjithçka që qëndron pas kësaj”, tha ajo.

Katy theksoi se ndjeshmëria dhe forca e saj si nënë kanë luajtur një rol të madh në përgatitjen shpirtërore për këtë hap të madh.

Ajo ndan një vajzë 4-vjeçare, Daisy, me partnerin e saj, aktorin Orlando Bloom.

“Jam e nderuar që jam pjesë e një ekipi kaq të jashtëzakonshëm grash”, u shpreh Perry, duke shtuar se ndihet “e bazuar dhe mirënjohëse” për këtë mundësi.

Pavarësisht komenteve skeptike nga figura publike si Olivia Munn, Perry mbetet e përqendruar te qëllimi i saj: të çojë një mesazh fuqizues në gjithësi – dhe në Tokë.