Kërcënoi bashkëshorten, arrestohet një 44-vjeçar nga Kumanova

Një 44-vjeçar nga Kumanova është arrestuar mbrëmjen e së martës pas një denoncimi për dhunë në familje, pasi kishte kërcënuar bashkëshorten e tij.

Lajmi është konfirmuar nga Sektori për Punë të Brendshme (SPB) Kumanovë, sipas të cilit ndalimi i personit është bërë mbrëmjen e 8 shtatorit.

“Më datë 08.09.2026, në orën 21:25, zyrtarët policorë nga SPB Kumanovë kanë privuar nga liria personin O.K. (44) nga Kumanova, duke vepruar sipas një denoncimi të mëparshëm se ai kishte kërcënuar bashkëshorten e tij”, njoftojnë nga policia.

Personi i arrestuar është shoqëruar në stacionin policor dhe, siç bëjnë të ditur autoritetet, pas dokumentimit të plotë të rasteve ndaj tij do të ngrihet kallëzimi përkatës ligjor.

Burimi i lajmit: ina-online.net
Shënim: Ky material është përpunuar për qëllime informimi nga Portali lajme.mk.