Këshilli i Qytetit të Shkupit votoi vendimin për rritjen e çmimit për kilometër të kaluar për transportuesit privatë
Me 28 vota “për”, një “abstenim” dhe asnjë kundër, këshilltarët e Qytetit të Shkupit votuan mbrëmë vonë vendimin për përcaktimin e vlerës së kompensimit për shërbimet e kryera sipas kriterit kilometër më i lartë. Me këtë, transportuesit privatë do të marrin çmim më të lartë për kilometër të përshkuar. Por kjo nuk do të thotë […]
Me 28 vota “për”, një “abstenim” dhe asnjë kundër, këshilltarët e Qytetit të Shkupit votuan mbrëmë vonë vendimin për përcaktimin e vlerës së kompensimit për shërbimet e kryera sipas kriterit kilometër më i lartë. Me këtë, transportuesit privatë do të marrin çmim më të lartë për kilometër të përshkuar. Por kjo nuk do të thotë biletë më e shtrenjtë për qytetarët, por paratë sigurohen nga buxheti i Qytetit të Shkupit për vitin e ardhshëm, transmeton Portalb.mk.
Transportuesit privatë do të marrin 20 denarë plus për kilometër, me aneks të kontratës nga 1 janari 2025 dhe do të jetë e vlefshme deri në maj kur skadon kontrata e tyre.
Kryetari i Këshillit të Qytetit të Shkupit, Trajko Sllaveski, në fillim të seancës prezantoi tërë kronologjinë e zhvillimeve për këtë çështje, si dhe për seancën e 16-të të jashtëzakonshme të mbajtur.
“Duke pasur parasysh se shërbimet e Qytetit të Shkupit, gjegjësisht Sektori për Mbështetjen e Këshillit, atëherë nuk e kanë përgatitur apo dhënë konkluzion që unë t’ia përcjell kryetares së Qytetit, por është përgatitur dhe përcjellë te kryetarja. Sipas ligjit, kryetari i Qytetit ka detyrimin që brenda shtatë ditëve të publikojë rregulloren, në këtë rast konkluzion, ose nëse nuk e publikon, të japë shpjegimin se pse nuk e publikon. Prandaj, unë, si kryetar i Këshillit, parashtrova ankesë në Inspektoratin Shtetëror për Vetëqeverisje Lokale dhe ata kanë bërë mbikëqyrje, kanë përgatitur raport në të cilin janë konstatuar parregullsi në punën e administratës së Qytetit të Shkupit nga këndvështrimi i bojkotit për mos numërimin e votave, mos hartimin e rregulloreve etj. E dje, më 23 dhjetor, ka pasur procesverbal, është marrë vendim nga Inspektorati Shtetëror për Vetëqeverisje Lokale, i cili i ka shqiptuar vërejtje kryetares së qytetit të Shkupit, Danela Arsovska. Vërejtja është lëshuar pikërisht për mosveprimin për mospublikimin e një rregulloreje në Gazetën Zyrtare, në këtë rast konkluzion brenda afatit të caktuar dhe mosdhënie shpjegimi se pse nuk është bërë kjo”, tha ai.
Cvetanka Sokolova Mlladenovska, udhëheqëse e një departamenti në Qytetin e Shkupit, theksoi se sipas iniciativës së dorëzuar dhe rendit të ditës së seancës së jashtëzakonshme, shefat e departamenteve reaguan të njëjtën ditë dhe i dërguan njoftim kryetarit të Këshillit me të cilin thuhet se nuk do të prodhojë dokument në kundërshtim me rregulloret ligjore, pasi, siç tha, konkluzioni i propozuar nuk është miratuar nga këshilltarët.
“Për këtë qëllim është dorëzuar peticion në Inspektoratin për Vetëqeverisje Lokale. Para se të vinte Inspektorati për mbikëqyrje, kryetari i Këshillit përgatiti një raport, përkatësisht një konkluzion të cilin ia kishte dorëzuar kryetares së qytetit të Shkupit. Lidhur me konkluzionin, kryetarja ka dorëzuar njoftim në të cilin ka treguar se vetë dokumenti, i cili titullohet si konkluzion, nuk është përgatitur nga shërbimet eksperte në administratën e qytetit, të cilat jo vetëm sipas Rregullores së Punës, por edhe sipas Vendimi për organizimin e brendshëm janë vetëm përgjegjës dhe kompetent për përgatitjen e akteve të tilla para akteve të tjera nën autoritetin e Këshillit.Kështu procesverbali i përgatitur nga seanca i është dorëzuar kryetarit të Këshillit, i cili ka bërë një lloj korrigjim jashtë procedurës së paraparë procedurale për përgatitjen e procesverbalit dhe dorëzimin e tij te këshilltarët”, tha ajo.
Ndryshe, transportuesit privatë kërkuan rritje të çmimit për kilometër të kaluar pa specifikuar çmimin, ndërsa në takim me këshilltarët nga VMRO-DPMNE u pajtuan që rritja të jetë 30 denarë. Por ky çmim nuk ishte i pranueshëm për administratën e qytetit. Në një periudhë dy javore është bërë një analizë, pas së cilës këshilltarët kanë votuar sot.
Transporti publik ka qenë disa herë në fokusin e publikut në periudhën e kaluar, pasi transportuesit privatë në shenjë revolte larguan autobusët nga qarkullimi, duke kërkuar rritje të çmimit për kilometër të kaluar.
