Komediani amerikan nuk ka në plan të bëjë vazektomi pavarësisht se ka 12 fëmijë

Prezantuesi i televizionit dhe komediani amerikan, Nick Cannon, kohët e fundit deklaroi se ai ende nuk është gati për një vazektomi dhe dëshiron të ketë më shumë fëmijë, pavarësisht se ka 12 me gjashtë gra të ndryshme.

Gjegjësisht, gjatë një episodi të podcast-it “We Playin’ Spades” të drejtuar nga Nick Cannon së bashku me aktoren dhe komedianen amerikane, Courtney Bee, ish-lojtarët e NFL, Ryan Clark dhe Channing Crowder zbuluan se të dy kishin kryer vazektomi pas lindjes së fëmijëve.

“Një burrë tjetër në këtë tryezë duhet të mendojë për atë”, tha Channing Crowder, duke iu referuar Cannon, i cili ishte ulur pranë tij.

“Ndjehem sikur kjo është një ndërhyrje. Vazektomia është një gjë e përgjegjshme për t’u bërë. Thjesht – nuk kam mbaruar”, tha Cannon.

Pasi ish-atletët krahasuan se si kishin kryer vazektomi, Cannon tha se ndjehej sikur po ‘gjykohej’.

Komediani Bee më pas e pyeti Cannon nëse do të kishte më shumë fëmijë me një nga gratë me të cilat tashmë ka një fëmijë ose nëse do të preferonte të ishte me një grua të re, Nick Cannon tha se nuk e dinte.

“Nuk e di. Këtë punë ia lë Zotit”, theksoi ndër të tjerash.

Si për kujtesë, Cannon u bë për herë të parë baba në vitin 2011, kur ai dhe ish-gruaja e tij Mariah Carey patën dy binjakë Monroe dhe Moroccan, të cilët tani janë 13 vjeç.

Ai është gjithashtu babai i djemve Golden dhe Rise dhe vajzës Powerful me Brittany Bell, binjakëve Zion dhe Zillion dhe vajzës Beautiful me Abby De La Rosa, djalit Legendary me Bre Tiesi dhe vajzës Onyx me LaNisha Cole.

Cannon është gjithashtu babai i Halo Marie dy vjeçare, të cilën e ka me Alyssa Scott.