Kompani postare kapet në kontrabandë, Dogana ngrit kallëzim penal

Drejtoria e Doganave njofton se ka ngritur kallëzim penal ndaj një kompanie postare dhe një personi, për ofrimin e shërbimeve postare në mënyrë të paligjshme dhe për kontrabandë të mallrave, përcjell Flaka.

Gjatë një operacioni të koordinuar me Ministrinë e Punëve të Brendshme, Drejtorinë e të Ardhurave Publike, Agjencinë Postare dhe Inspektoratin Shtetëror të Tregut, u kontrollua kompania që ofronte shërbime postare ndërkombëtare pa licencë.

Nga kontrolli u sekuestruan 166 dërgesa postare me mallra të ndryshme, me një vlerë totale prej rreth 240,000 denarësh. Autoritetet sqarojnë se kompania:

• Transportonte paketat pa i deklaruar në pikat doganore
• I ruante ilegalisht në një depo për dorëzim te klientët
• Kryente veprime që përbëjnë fshehje të mallrave dhe mashtrim doganor

Drejtoria e Doganave thekson se veprimet e ndërmarra synojnë parandalimin e trafikut ilegal postar dhe respektimin e ligjeve doganore në vend. Gazeta Flaka

The post Kompani postare kapet në kontrabandë, Dogana ngrit kallëzim penal appeared first on Flaka, në çdo lajm... .