LSDM: Hungaria zgjodhi Evropën! VMRO-DPMNE: S’keni luks për të humbur kohë me zgjedhje në vende të tjera

Pas zgjedhjeve parlamentare në Hungari dhe fitores së partisë opozitare Tisza të udhëhequr nga Péter Magyar, në Maqedoninë e Veriut kanë reaguar dy partitë kryesore politike me qëndrime të kundërta, përcjell TV21.

LSDM ka vlerësuar se rezultati zgjedhor në Hungari përfaqëson një fitore të qartë të forcave pro-evropiane dhe të demokracisë. Në reagimin e saj, partia thekson:

“Qytetarët e Hungarisë kanë thënë qartë dhe me zë të lartë: MJAFT më me autokraci! … Kjo është një fitore e demokracisë mbi autokracinë”, thonë nga LSDM.

Në të njëjtin reagim, LSDM e interpreton ndryshimin politik në Budapest si sinjal për ndryshime në rajonin tonë.

Nga ana tjetër, VMRO-DPMNE ka reaguar duke kritikuar LSDM-në për fokusimin në zhvillimet e jashtme dhe duke kërkuar përgjegjësi politike në vend. Në deklaratën e VMRO-së, kërkohet që kreu aktual i partisë opozitare, Venko Filipçe të fokusohet në reforma të partisë:

“Për momentin nuk ke luks të humbasësh kohë me zgjedhje në vende të tjera”, thonë nga VMRO-DPMNE.