Marsh protestues në Shkup, regjim i posaçëm i komunkacionit nga ora 19:00
SPB Shkupi njofton qytetarët se sot (24.03.2025) duke filluar nga ora 19:00 për shkak të mbajtjes së marshit protestues, Njësia për siguri në komunikacionin rrugor do të marrë masa për regjim të veçantë të komunikacionit në zonën qendrore të qytetit të Shkupit, transmeton Portalb.mk. Marshi protestues do të fillojë nga sheshi “Maqedonia”, ndërsa në ora […]
SPB Shkupi njofton qytetarët se sot (24.03.2025) duke filluar nga ora 19:00 për shkak të mbajtjes së marshit protestues, Njësia për siguri në komunikacionin rrugor do të marrë masa për regjim të veçantë të komunikacionit në zonën qendrore të qytetit të Shkupit, transmeton Portalb.mk.
Marshi protestues do të fillojë nga sheshi “Maqedonia”, ndërsa në ora 19:30 do të vazhdojë drejt Kuvendit të RMV-së në rrugën “11 Tetori”, më pas në rrugën “Filipi i Dytë”, nga rruga “Goce Dellçev” deri para Qeverisë së RMV-së në “Ilinden”.
SPB Shkup u bën thirrje të gjithë qytetarëve pjesëmarrës në komunikacion që t’u binden urdhrave të dhëna nga zyrtarët policorë.
Prej se ka ndodhur zjarri në diskotekën “Pulse” më 16 mars 2025, ku jetën e humbën 59 persona, midis të cilëve 6 të mitur, u lënduan 196 persona të cilët trajtohen brenda dhe jashtë vendit, qytetarët në disa qytete të vendit kanë protestuar për disa ditë me radhë. Solidarizim kanë shprehur qytetarët e Kumanovës, Gostivarit, Shkupit, Strugës dhe vetë Koçanit.
Sipas hetimeve të deritanishme nga institucionet, diskoteka nuk kishte rrjet hidranti dhe mjaftueshëm aparate PP, përdoreshin materiale piroteknike në mënyrë të paligjshme, nuk kishte as leje pune të ligjshme dhe nuk ishte lidhur asnjë kontratë me shkrim mes organizatorit dhe grupit interpretues.
Prokuroria në Koçan dhe Prokuroria për Ndjekjen e Krimit të Organizuar dhe Korrupsionit kanë identifikuar si të dyshuar gjithsej 34 persona dhe tre kompani për krime të rënda kundër sigurisë publike. Ndërkaq, Ministria e Punëve të Brendshme ka ngritur kallëzime penale kundër tyre, në mesin e tyre ka ish-funksionarë shtetërorë. Në paraburgim janë 24 persona.
