Ndezën fishekzjarrë mbrëmë vonë tek hoteli i Kombëtares turke, arrestohen dy persona

Dy persona janë arrestuar pas ndezjes së fishekzjarrëve në orët e vona të mbrëmjes, pranë hotelit ku është vendosur Kombëtarja e Turqisë në Prishtinë.

Ngjarja ka ndodhur rreth orës 01:00, ku sipas raportimeve, fishekzjarrët dyshohet se kishin për qëllim shqetësimin e ekipit turk.

Policia e Kosovës ka reaguar menjëherë, duke arrestuar dy të dyshuarit. Rasti është cilësuar si “shkaktim i rrezikut të përgjithshëm”, ndërsa ata janë dërguar në mbajtje për 48 orë.