Pas tri dekadash në arsim, pensionohet mësuesja Resmije Sulimani

Pas rreth tri dekadash përkushtim ndaj arsimit dhe edukimit të brezave të rinj, mësuesja Resmije Sulimani i ka dhënë fund karrierës së saj profesionale, duke u pensionuar nga Shkolla Fillore Komunale „Naim Frashëri“ në Kumanovë. Gjatë karrierës së saj të gjatë, ajo ka ushtruar profesionin e mësueses në disa shkolla fillore shqipe, duke lënë gjurmë tek shumë gjenerata nxënësish. Përkushtimi, puna dhe dashuria për profesionin e kanë shoqëruar për dekada, ndërsa pensionimi shënon përmbylljen e një kapitulli të rëndësishëm në jetën e saj profesionale. Me këtë rast, kolegët, nxënësit dhe prindërit i kanë uruar pensionim të mbarë, shëndet dhe shumë vite të lumtura pas një karriere të gjatë në shërbim të arsimit shqip.