Për të pastruar mbi 1200 plehërishte në RMV, duhen urgjentisht deponi funksionale sipas standardeve evropiane
Në Maqedoninë e Veriut 99.7 përqind e mbetjeve hidhen në deponi. Nga 60 deponi të menaxhuara nga ndërmarrjet =komunale, asnjë nuk është në përputhje me standardet evropiane, përveç “Drisllës” së Shkupit, e cila deri diku i plotëson disa nga kërkesat. Krahas këtyre vendgrumbullimeve, në të gjithë vendin janë të regjistruara rreth 1200 deponi ilegale dhe […]


Në Maqedoninë e Veriut 99.7 përqind e mbetjeve hidhen në deponi. Nga 60 deponi të menaxhuara nga ndërmarrjet =komunale, asnjë nuk është në përputhje me standardet evropiane, përveç “Drisllës” së Shkupit, e cila deri diku i plotëson disa nga kërkesat. Krahas këtyre vendgrumbullimeve, në të gjithë vendin janë të regjistruara rreth 1200 deponi ilegale dhe vendgrumbullime mbeturinash, ku supozohet se në vitin 2023 kanë përfunduar rreth 30 përqind e totalit të mbetjeve të krijuara në vend, transmeton Portalb.mk.
Ndërtimi urgjent dhe vënia në punë e sistemeve të shumëpritura rajonale të menaxhimit të mbetjeve, të cilat janë zgjidhja e vetme e qëndrueshme dhe afatgjatë për problemin e mbetjeve me të cilat përballet vendi, si dhe mbyllja e deponive dhe vendgrumbullimeve ekzistuese nën standarde, janë hapat më të rëndësishëm që duhet të ndërmerren nga institucionet dhe njësitë e qeverisjes lokale drejt zbatimit të një sistemi që do të funksionojë sipas standardeve evropiane dhe globale.
Në konferencën e sotme partnere për menaxhimin e qëndrueshëm të mbeturinave “Rimendimi i mbetjeve – nga sfidat në zgjidhje të qëndrueshme”, organizuar nga Salar International, Shefi i Bashkëpunimit në Delegacionin e Bashkimit Evropian në Maqedoninë e Veriut, Stefan Hudolin, theksoi se vendi merr mbështetje të madhe nga partnerë të shumtë në rrugën e krijimit të një sistemi të qëndrueshëm, por gjithashtu se është koha për të filluar zbatimin e planit.
“Ne duam veprim, ndihma është e madhe, por pritet përkushtim edhe nga institucionet. Ka sfida në terren, të cilat kërkojnë zgjidhje të shpejta. Maqedonia tashmë ka humbur qindra milionë fonde IPA për shkak të mosrealizimit. Këto janë projekte që kërkojnë vizion kombëtar, jo për një mandat kryetar komune apo për premtime parazgjedhore”, tha Hudolin.
Ambasadorja e Mbretërisë së Suedisë, Ami Larson Xhein, theksoi se mënyra se si menaxhohen aktualisht mbetjet në vend përbën një rrezik të madh për mjedisin, duke prekur ekosistemet dhe sigurinë ushqimore. Ajo theksoi se komunat janë liderët e procesit të krijimit të sistemeve rajonale të menaxhimit të mbeturinave, por se kjo kërkon veprim të koordinuar nga të gjitha palët e interesuara, përfshirë edhe publikun, nga i cili duhet të merret mbështetje.
Kryetari i Novacës, Stevço Stefanovski, komunë në të cilën do të ndërtohet një nga deponitë rajonale, theksoi se problemi i mbeturinave është i madh dhe po zvarritet për një kohë shumë të gjatë, kryesisht për shkak të skepticizmit dhe rezistencës në opinion.
“Në Novacë momentalisht kemi problem, sepse në Meglenc tashmë po deponohen mbeturinat e disa komunave, dallimi është se tani nuk e dimë se çfarë përfundon aty, as si trajtohet, ndërsa deponia rajonale që duhet të ndërtohet do të sigurojë trajtimin e mbeturinave sipas standardeve evropiane”, tha Stefanovski.
Ai konsideron se arsyeja kryesore e protestave të qytetarëve kundër deponisë është se ata nuk janë të informuar në mënyrë adekuate se si do të duket dhe si do të funksionojë, dhe paralajmëroi fushata përmes të cilave njerëzit do të kuptojnë se kjo zgjidhje do të sjellë vetëm përfitime.
Konferenca ndau hulumtimin e bërë për rajonin e Pellagonisë dhe atë Jugperëndimor, sipas të cilit në këto dy rajone, mbetjet grumbullohen nga 82 përqind e popullsisë dhe 40 përqind e banorëve të zonave rurale nuk kanë qasje në shërbimet e grumbullimit të mbeturinave. Vetëm 32 përqind e banorëve të rajonit kanë qasje në pikat e riciklimit dhe gjysma e mbetjeve të mëdha dhe pothuajse 80 përqind e mbetjeve të ndërtimit nuk hidhen siç duhet dhe në vendin e duhur.