Policia kërkon ndihmë për gjetjen e disa personave të dyshuar për vjedhje

Policia e Kosovës po kërkon ndihmën e qytetarëve për identifikimin e disa personave të dyshuar për grabitje dhe vjedhje të rënda.

“Njësiti i hetimeve të përgjithshme në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi.  Personat kërkohen për Grabitje dhe Vjedhje të rënda”, thotë policia në njoftimin në Facebook.

“Të nderuar, për çdo informatë që mund të çojë në identifikimin e të dyshuarve apo vendodhjes së tyre, kontaktoni policinë në numrin e telefonit: 192”.