Policia përsëri kërkoi nga qytetarët mos të shkojnë me goma vere në Kodrën e Diellit dhe Mavrovë
Për shkak problemeve që po krijohen në rrugët për në qendrat e skijimit në Mavrovë dhe Kodrën e Diellit, Policia e Maqedonisë së Veriut ka kërkuar nga qytetarët mos të nisen në këto vende pa pajisjet adekuate, transmeton Portalb.mk. “SPB apelon deri te qytetarët të respektojnë te gjitha rregullat dhe udhëzimet në komunikacion, të mos […]
Për shkak problemeve që po krijohen në rrugët për në qendrat e skijimit në Mavrovë dhe Kodrën e Diellit, Policia e Maqedonisë së Veriut ka kërkuar nga qytetarët mos të nisen në këto vende pa pajisjet adekuate, transmeton Portalb.mk.
“SPB apelon deri te qytetarët të respektojnë te gjitha rregullat dhe udhëzimet në komunikacion, të mos i parkojnë veturat e tyre në rrugë, të respektojnë urdhrat e punonjësve policor në lidhje me regjimin e komunikacionit dhe të lëvizin në përputhje me rregullat e parapara, të mos nisen në drejtim të Mavrovës dhe Kodrës së Diellit me goma vere dhe pa pajisjet përkatëse dimërorë”, deklaroi Policia.
Policia vlerësoi se respektimi i tillë do të sigurojë një komunikacion pa pengesa.
Ndryshe, Sektori për Punë të Brendshme në Tetovë ka sqaruar që komunikacioni në Mavrovë është normalizuar pasi janë angazhuar dhjetëra punonjës të policisë. Ata sqaruar që plani vjetor për sezonin dimërore përmes një rrethrrotullimi nuk është realizuar për shkak mosrespektimit të rregullave.
