Raporti zyrtar rrëzon Aziz-in: Qeveria dhe Presidentja me 0% respektim të shqipes

Pretendimi i deputetit Adnan Azizi se “shqipja nuk preket” bie për tokë përballë një dokumenti zyrtar. Raporti vjetor për publikimet në “Gazetën Zyrtare” për vitin 2025 tregon një fakt brutal: Qeveria e Republikës së Maqedonisë së Veriut dhe Presidentja kanë 0 publikime në gjuhën shqipe.

Shifrat janë të thata, por goditja është e fortë. Nga 178 akte të Qeverisë – asnjë në shqip. Nga 12 akte të Presidentes – asnjë në shqip. Përkthim i thjeshtë: 0% respektim i detyrimit ligjor.

Kjo nuk është çështje interpretimi politik. Ligji për përdorimin e gjuhëve është i qartë: aktet e institucioneve shtetërore duhet të publikohen edhe në shqip. Pra, këtu nuk kemi debat – kemi moszbatim.

Ndërkohë, Kuvendi del me 100% përputhshmëri, duke e thelluar kontrastin dhe duke rrëzuar narrativën se “gjithçka është në rregull”.

Reagimet kanë qenë të ashpra. Arbër Ademi e lexon këtë si injorim të drejtpërdrejtë të një të drejte kushtetuese, ndërsa analisti Sefer Selimi e thotë troç: kjo nuk është meritë politike, por detyrim ligjor që po shkelet.

Ironia është e hidhur: në përpjekje për të treguar sukses, Azizi ka ekspozuar dështimin. Jo të opozitës, por të vetë institucioneve që ai po i mbron.

”NO COMMENT – Zot fali se nuk dijnë

Sa bukur i paskan nënvizuar me “0 publikime” Qeverinë e Republikës së Maqedonisë së Veriut dhe Kryetarin Republikës së Maqedonisë së Veriut.
Që të dy këta organe janë organe përbërëse të pushtetit shtetëror sipas Kushtetutës.

Në të dy këta organe sipas nenit 1 paragrafi (2) dhe (3) të Ligjit për përdorimin e gjuhëve, gjuhë zyrtare është edhe gjuha shqipe.

Neni 5 paragrafi (7) nga ky ligj parasheh se të gjitha aktet e miratuara nga Qeveria e Republikës së Maqedonisë lëshohen dhe publikohen në gjuhën maqedonase dhe në gjuhën shqipe.

Neni 17 nga ky ligj parasheh se që të gjitha ligjet, aktet nënligjore, vendimet dhe shpalljet e institucioneve që përbëjnë pushtetin shtetëror, që botohen në Gazetën zyrtare të Republikës së Maqedonisë, botohen në gjuhën maqedonase dhe në gjuhën shqipe.

Ose nuk i kuptoni të drejtat që janë fituar me Marrëveshjen e Ohrit të përkthyera në Kushtetutë dhe Ligjin për përdorim të gjuhëve – ose nuk i doni të njejtat, dhe rrjedhimisht bëni interpretime të paprecedenta të Kushtetutës dhe ligjeve”, u shpreh Ademi.

Analisti Sefer Selimi e çmonton narrativën politike: sipas tij, publikimi në dy gjuhë nuk është “vullnet i mirë”, por detyrim ligjor, dhe vetë raporti dëshmon se ky detyrim nuk po zbatohet nga institucionet kyçe.

A do ia sqarojë dikush deputetit në fjalë se Gazeta Zyrtare e Republikës së Maqedonisë së Veriut e ka për obligim ligjor që shpalljet t’i bëjë në dy gjuhë?

“Nëse nuk më beson mua, le ta lexojë vetë raportin që e ka publikuar. Pra, nuk është çështje e “vullnetit të mirë politik” apo ndonjë arritje historike por detyrim ligjor.

Ndërkohë, duke dashur të lavdërohet ai në fakt nxjerr në pah një të vërtetë shqetësuese: se Qeveria dhe Presidentja po e shkelin ligjin dhe praktikisht e kanë fshirë shqipen nga përdorimi.

Pra, ai po e dëshmon vetë problemin thelbësor se nuk bëhet fjalë për interpretim, por për moszbatim të ligjit.

Thank you for the attention on this matter.

Më i drejtpërdrejtë është reagimi i aktorit Xhevdet Jashari, i cili me gjuhë të ashpër ironizon deklaratat politike dhe e konsideron situatën si dështim të hapur, duke akuzuar për manipulim dhe hipokrizi rreth çështjes së gjuhës shqipe.

Në fund, tentativa për të shpallur “fitore” prodhon efektin e kundërt: raporti zyrtar ekspozon një problem sistemik – jo interpretim, por moszbatim të ligjit.

Pyetja mbetet e thjeshtë: nëse shifrat janë 0%, kush po e mbron realisht shqipen në praktikë?

Në fund mbetet një pyetje e vetme, pa retorikë:

Nëse ligji është i qartë dhe shifrat janë 0 – kush po e mban përgjegjësinë? Gazeta Flaka

The post Raporti zyrtar rrëzon Aziz-in: Qeveria dhe Presidentja me 0% respektim të shqipes appeared first on Flaka, në çdo lajm... .