Rihapja e katedrales “Notre Dame”, Siljanovska nuk shkoi në Paris sepse i është prishur aeroplani

Pesë vjet pas zjarrit,është rihapur katedralja “Notre Dame”. Katedralja ikonike në Paris, Notre Dame, zyrtarisht rihapi dyert e saj më 7 dhjetor, pas zjarrit më 2019 që pothuajse shkatërroi tërësisht ndërtesën 861-vjeçare. Kjo ceremoni mblodhi në Paris liderët botërorë, të ftuar dhe besimtarë. Por, për dallim prej vendeve të rajonit, në ceremoni mungoi presidentja Gordana Siljanovska Davkova.

Nga kabineti i presidentes njoftuan se Siljanovska-Davkova nuk ka shkuar në Francë, ndonë se kishte ftesë.

“Kabineti i Presidentes Gordana Siljanovska Davkova e ka njoftuar kabinetin e presidentit të Francës, Emmanuel Macron, se presidentja nuk është në gjendje të udhëtojë për shkak të mosfunksionimit të aeroplanit qeveritar me të cilin planifikonte të udhëtonte për në Paris”, thonë nga Presidenca.

The post Rihapja e katedrales “Notre Dame”, Siljanovska nuk shkoi në Paris sepse i është prishur aeroplani appeared first on InfoShqip.com.