Rruga e re e asfaltuar në Llacë, përmirëson jetesën e banorëve

Bilall Kasami, kryetar i komunës së Tetovës, përurimin e rrugës së asfaltuar në fshatin Llacë e përshkroi si një realizim të premtimit të bërë më parë:

“Me krenari sot përuruam rrugën e asfaltuar në fshatin Llacë, sepse dje ishte premtim, ndërsa sot realitet. Kushte më të mira jetese meriton çdo qytetar i Tetovës, andaj kujdesi jonë është për çdo vendbanim dhe lagje të qytetit,” tha Kasami.

Rruga ka një gjatësi prej 1,200 metrash dhe një sipërfaqe prej 4,783 m², duke ofruar siguri dhe mirëqenie për banorët e fshatit.

“Me këtë investim synojmë të përmirësojmë jetesën dhe lëvizshmërinë e komunitetit. Urime dhe ju qoftë përhajr banorëve!” përfundoi kryetari Kasami, duke theksuar rëndësinë e përkujdesit për çdo vendbanim në komunën e Tetovës. Gazeta Flaka

The post Rruga e re e asfaltuar në Llacë, përmirëson jetesën e banorëve appeared first on Flaka, në çdo lajm... .