Sondazhet e favorizojnë Hristijan Mickoski, por shmang zgjedhjet e parakohshme!

Kryeministri i Maqedonisë së Veriut, Hristijan Mickoski, në një dalje për media theksoi se nuk pritet të ketë zgjedhje të parakohshme parlamentare këtë vit. Ai shtoi se qëllimi mbetet mbajtja e zgjedhjeve në afatin e rregullt, në vitin 2028, duke theksuar rëndësinë e fokusimit tek reformat në vend.

“Thashë që këtë vit nuk kemi ndërmend të organizojmë zgjedhje të parakohshme parlamentare. Qëllimi ynë janë zgjedhjet e rregullta në vitin 2028, dhe e kemi bërë këtë të qartë shumë herë. Edhe pse politikisht do të ishte e volitshme të mbaheshin zgjedhje të parakohshme, veçanërisht pas rezultateve të forta në zgjedhjet lokale, nuk e shoh këtë si prioritet tani. Mendoj se duhet të përqendrohemi tek reformat”, deklaroi kryeministri Mickoski.

Komenti vjen në ditën kur u publikua sondazhi që partinë e tij e nxirrte absolut para LSDM-së opozitare me diferencë 5 me 1. Gazeta Flaka

The post Sondazhet e favorizojnë Hristijan Mickoski, por shmang zgjedhjet e parakohshme! appeared first on Flaka, në çdo lajm... .