Thyerje dhe tensione brenda ASH-së së Taravarit, Arben Fetai nuk mori pjesë në mbledhjen e Kryesisë Qendrore

Partia Aleanca për Shqiptarët (ASH), e udhëhequr nga Arben Taravari, po përballet me tensione të brendshme dhe përçarje mes anëtarëve të saj. Burime nga brenda partisë bëjnë të ditur se anëtari i Kryesisë Qendrore, Arben Fetai, nuk ka marrë pjesë në mbledhjen e fundit, një mungesë që lidhet me mosmarrëveshjet e thella brenda strukturave drejtuese.

Sipas informacioneve, pakënaqësitë në ASH janë rritur pas vendimeve të fundit politike të shpallura nga Taravari, si dhe takimeve të tij me kreun e BDI-së, Ali Ahmeti. Këto lëvizje kanë krijuar ndasi brenda partisë, duke sjellë debate të ashpra mes drejtuesve dhe anëtarëve.

Ende nuk ka një deklaratë zyrtare nga Arben Fetai lidhur me mungesën e tij, por zhvillimet e fundit lënë të kuptohet se ASH mund të përballet me sfida të mëdha në të ardhmen, përfshirë edhe mundësinë e ndarjeve të reja brenda partisë.

The post Thyerje dhe tensione brenda ASH-së së Taravarit, Arben Fetai nuk mori pjesë në mbledhjen e Kryesisë Qendrore appeared first on InfoShqip.com.