Trump: “Jemi pranë një marrëveshjeje”

Presidenti Donald Trump deklaroi se Shtetet e Bashkuara dhe Irani janë “shumë pranë” një marrëveshjeje dhe se do të shqyrtojë mundësinë e një udhëtimi në Pakistan nëse arrihet nënshkrimi i saj.

“Ekziston një mundësi shumë e mirë që të arrijmë një marrëveshje”, u tha presidenti amerikan gazetarëve përpara Shtëpisë së Bardhë.

Ai theksoi se Uashingtoni është dashur të sigurohet që Irani të mos arrijë kurrë të zotërojë armë bërthamore.

“Duhej të siguroheshim që Irani të mos sigurojë kurrë armë bërthamore… Ata janë pajtuar plotësisht me këtë. Janë dakorduar pothuajse për gjithçka”.

“Ata kanë pranuar të na kthejnë ‘pluhurin bërthamor’”, tha Trump, duke përdorur termin e tij për rezervat e uraniumit të pasuruar.

Ai shtoi se Irani ka pranuar që të mos ketë armë bërthamore për një periudhë më të gjatë se 20 vjet.

I pyetur nëse do të udhëtojë në Pakistan në rast se arrihet marrëveshja, Donald Trump u përgjigj: “Pakistani ka qenë i shkëlqyer. Ndoshta do të shkoj, po. Nëse marrëveshja nënshkruhet në Islamabad, mund të shkoj”.(INA)