U arrestua shoferi që kishte goditur me motor një fëmijë tetë vjeçar në Butel të Shkupit dhe kishte ikur nga vendi ngjarjes (VIDEO)
Një motoçiklist ka goditur një fëmijë në një vendkalim të pashënuar dhe siç shihet në një video të publikuar në rrjete sociale, i njëjti ikën me vrap. Sipas komenteve nën videon e publikuar, konstatohet se ngjarja ka ndodhur në Butel të Shkupit, transmeton Portalb.mk. Në video shfaqen dy fëmijë, të cilët me siguri po kthehen […]
Një motoçiklist ka goditur një fëmijë në një vendkalim të pashënuar dhe siç shihet në një video të publikuar në rrjete sociale, i njëjti ikën me vrap. Sipas komenteve nën videon e publikuar, konstatohet se ngjarja ka ndodhur në Butel të Shkupit, transmeton Portalb.mk.
Në video shfaqen dy fëmijë, të cilët me siguri po kthehen në shtëpi nga shkolla aty pranë, duke u përpjekur të kalojnë rrugën e ngarkuar. Një nga automjetet ndalon dhe njëri nga fëmijët fillon të kalojë rrugën. Duke arritur në mes të rrugës, një motoçikletë godet fëmijën dhe e përplas atë në tokë. Drejtuesi i motoçikletës nuk ndalet në vendngjarje. Fëmija ngrihet menjëherë dhe fillon të vrapojë. Drejtuesit e makinave vrapojnë për të parë se si është fëmija.
Ministria e Punëve të Brendshme (MPB) informoi se shoferi është gjetur dhe kundër tij pas procedurës së shpejtë do të ngrihet kallëzim penal.
Ngjarja ka ndodhur më 02.04.2024 në ora 14:05, në kryqëzimin e rrugëve “Ferid Bajram” dhe “Alpi” në Shkup, kur një motoçikletë ka goditur një fëmijë tetë vjeçar dhe është larguar nga ngjarja. Fëmija është konstatuar me lëndime fizike në spitalin “Sveti Naum Ohridski”, thuhet në njoftimin e policisë.
BIRN ka analizuar të dhënat nga buletinet e MPB-së të para dy muajve dhe pas aksidentit, në të cilin e humbi jetën 22-vjeçarja Frosina Kullakova, për të parë nëse kontrollet e shtuara kishin dhënë rezultate. Analiza ilustron se në dy muajt pas vdekjes së Frosinës kanë ndodhur më shumë aksidente rrugore me viktima apo të lënduar, se sa në dy muaj para tij.
